ESTRADA MUSIQASINING O’ZBEKISTONDA SHAKILLANISHI VA TRANSFORMATSIYASI
Keywords:
estrada, musiqa sanʼati, transformatsiya, milliy madaniyat, folklor, modernizatsiya, ommaviy madaniyat, OʻzbekistonAbstract
Mazkur maqolada Oʻzbekistonda estrada musiqasining shakllanish jarayoni, uning tarixiy bosqichlari hamda zamonaviy transformatsiyasi tahlil qilinadi. Estrada sanʼatining XX asrning ikkinchi yarmidan boshlab milliy musiqa, folklor va zamonaviy gʻarb musiqasi unsurlari uygʻunligida rivojlanishi yoritiladi. Shuningdek, mustaqillik yillarida estrada musiqasida yuz bergan uslubiy oʻzgarishlar, yangi texnologiyalar, ommaviy madaniyat va globalizatsiyaning taʼsiri koʻrib chiqiladi.References
1991-yilda Oʻzbekiston mustaqillikka erishgach, estrada sanʼati rivojida yangi
davr boshlandi. Mustaqillik yillarida milliy qadriyatlarni tiklash va rivojlantirishga
katta eʼtibor qaratildi. Bu hol estrada qoʻshiqlarining mazmunida ham oʻz aksini topdi.
Qoʻshiqlarda Vatanga muhabbat, milliy gʻurur, tarixiy meros va anʼanalarga hurmat
kabi mavzular keng yoritildi. Shu bilan birga, globallashuv jarayoni va zamonaviy
texnologiyalar estrada musiqasining shakl va mazmuniga sezilarli taʼsir
koʻrsatdi.Texnologik taraqqiyot natijasida zamonaviy ovoz yozish studiyalari,
kompyuter dasturlari va internet platformalari estrada sanʼatining rivojlanishiga yangi
imkoniyatlar yaratdi. Xonandalar oʻz ijod mahsullarini nafaqat mahalliy auditoriyaga,
balki xalqaro miqyosda ham namoyish eta boshladilar. Shuningdek, pop, rep, rok,
elektron musiqa kabi yangi yoʻnalishlar oʻzbek estradasiga kirib keldi va estrada
sanʼatining janriy xilma-xilligi kengaydi. Videokliplar, ijtimoiy tarmoqlar va raqamli
media vositalari estrada qoʻshiqlarining tez ommalashishiga xizmat qildi.